بھارت میں ایک حیرت انگیز واقعہ پیش آیا ہے جہاں مال بردار گاڑی کے پہیوں میں پھنسے پانچ سالہ بچے کو سو میل پیدل چلنے کے بعد بچا لیا گیا۔
لکھنؤ کے چارباغ ریلوے اسٹیشن پر ریسکیو اہلکاروں نے مال بردار ٹرین کے پہیوں کے درمیان بیٹھے 5 سالہ بچے کو بحفاظت بچا لیا۔
میڈیا رپورٹ کے مطابق مذکورہ بچہ کھیلتے ہوئے لکھنؤ کے چارباغ ریلوے اسٹیشن پر کھڑی مال گاڑی کے پہیوں کے درمیان گر گیا۔
ریلوے اسٹیشن سے نکلنے کے بعد مال گاڑی نے تقریباً 100 کلومیٹر کا فاصلہ طے کیا۔ ہردوئی ریلوے اسٹیشن پر اہلکاروں نے بچے کو پہیوں کے درمیان پڑا دیکھا اور پھر بچے کو ٹرین سے باہر نکالا، جس کی ویڈیو سوشل میڈیا پر وائرل ہو رہی ہے۔ .
مزید پڑھیں: ڈھیروں ڈھیر پیسے کمانے کے کچھ ایسے آسان طریقے جو آپ اب تک جانتے ہی نہ تھے ، جانیں
بچہ پہیوں کے درمیان سو گیا
بتایا جاتا ہے کہ بچہ چارباغ ریلوے اسٹیشن پر ٹرین کے پہیوں کے درمیان گر گیا۔ اس کے بعد مال گاڑی سٹارٹ ہوئی اور بچہ سوتا رہا۔ جیسے ہی ٹرین نے رفتار پکڑی وہ جاگ گیا لیکن تیز رفتاری کی وجہ سے اس نے خود کو پہیوں کے درمیان پھنسا لیا اور نیچے اترنے کی کوشش نہیں کی۔
ٹرین تقریباً 102 کلومیٹر آگے ہردوئی پہنچی تو ٹرین کے رکنے کے بعد ریلوے پروٹیکشن فورس کے اہلکاروں نے بچے کو بحفاظت باہر نکالا۔
رپورٹ میں بتایا گیا ہے کہ بچے کے والدین الگ ہوگئے ہیں اور وہ اپنے والد کے ساتھ ریلوے اسٹیشن پر بھیک مانگتا ہے۔ پہیوں سے باہر نکلنے کے بعد بچہ بہت خوفزدہ تھا۔
آر پی ایف حکام نے بتایا کہ چارباغ میں ایک مال گاڑی کھڑی تھی، اسی دوران ایک پانچ سالہ بچہ کھیلتے ہوئے وہاں پہنچ گیا اور ٹرین چل پڑی۔ بعد ازاں بچے کو چائلڈ ویلفیئر کمیٹی کے حوالے کر دیا گیا اور بچے کے والد سے بھی رابطہ کیا گیا۔
