موبائل فون ڈیوائسز کی رجسٹریشن کے حوالے سے بڑی خبر

اسلام آباد (اوصاف نیوز) پاکستان ٹیلی کمیونیکیشن اتھارٹی (پی ٹی اے) نے 6 سال میں موبائل فون ڈیوائسز کی رجسٹریشن سے 83 ارب روپے ٹیکس وصول کیا، ایک سال میں مجموعی طور پر دس کروڑ موبائل ڈیوائسز بلاک کی گئیں۔

سال 2025-2024 کے دوران، پی ٹی اے نے تقریباً 72 ملین موبائل ڈیوائسز کو بلاک کیا، جن میں 868,000 گمشدہ یا چوری شدہ موبائل فونز اور 27 ملین ڈپلیکیٹ یا کلون آئی ایم ای آئی والے آلات شامل ہیں۔

پی ٹی اے کی جانب سے جاری کردہ اعداد و شمار کے مطابق حکومت نے 2019 سے اب تک موبائل ڈیوائس کی رجسٹریشن سے 83 ارب روپے سے زائد ٹیکس وصول کیا ہے۔

پی ٹی اے کے اعداد و شمار سے پتہ چلتا ہے کہ ڈی آئی آر بی ایس کے نفاذ سے موبائل ڈیوائس مینجمنٹ سسٹم مضبوط ہوا اور مؤثر طریقے سے جعلی اور غیر معیاری موبائل فونز کی درآمد کو روکا گیا۔

پی ٹی اے کا کہنا ہے کہ ان اقدامات کی وجہ سے دستاویزی موبائل مارکیٹ ہوئی ہے اور حکومت کی آمدنی میں اضافہ ہوا ہے، جبکہ ایم ڈی ایم ریگولیشنز 2021 نے ملک میں موبائل فون کی اسمگلنگ اور مینوفیکچرنگ کو فروغ دیا ہے۔

پی ٹی اے کے مطابق، 2025 تک، پاکستانی نیٹ ورکس پر استعمال ہونے والے 95 فیصد سے زائد موبائل فون مقامی طور پر تیار کیے گئے تھے، اور ملک کے اندر استعمال ہونے والے 68 فیصد اسمارٹ فونز بھی مقامی طور پر تیار کیے گئے تھے۔

پی ٹی اے کی دستاویزات کے مطابق، ڈی آئی آر بی ایس کے تسلسل نے ملک میں ایک محفوظ، شفاف اور خود کفیل ڈیجیٹل ماحولیاتی نظام قائم کیا ہے، اور پاکستان خطے کی موبائل فون ویلیو چین میں شامل ہونے کی پوری صلاحیت رکھتا ہے۔
مزید پڑھیں‌:گاڑیوں کی بائیومیٹرک تصدیق کے حوالے سے حکومت کا بڑا فیصلہ