اسلام آباد(نیوزڈیسک)سپریم کورٹ آف پاکستان میں عدلیہ میں مبینہ مداخلت کے خلاف سوموٹو پر سماعت کے لیے نیا بینچ تشکیل دے دیا گیا، چیف جسٹس کی سربراہی میں 6 رکنی بینچ 30 اپریل کو سماعت کرے گا۔
عدلیہ میں مبینہ مداخلت کے معاملے پر سپریم کورٹ میں سوموٹو کی سماعت کے لیے 6 رکنی نیا بینچ تشکیل پایا ہے جس میں جسٹس منصورعلی شاہ، جسٹس جمال مندوخیل اور جسٹس اطہر من اللہ شامل ہیں۔
اس کے علاوہ جسٹس مسرت ہلالی اور جسٹس نعیم اختر افغان بھی 6 رکنی بینچ کا حصہ ہوں گے۔
چیف جسٹس قاضی فائز عیسیٰ کی سربراہی میں سپریم کورٹ کا 6 رکنی بینچ 30 اپریل کو ازخود نوٹس کی سماعت کرے گا۔
نئے بینچ میں گزشتہ سماعت کرنے والے جسٹس یحییٰ آفریدی شامل نہیں ہوں گے، جسٹس یحییٰ آفریدی نے اپنے تحریری نوٹ میں خود کو بینچ سے الگ کرلیا تھا۔
جسٹس یحییٰ آفریدی کےعلاوہ گزشتہ بینچ کے تمام ارکان نئے بینچ کا بھی حصہ ہوں گے۔
