اسلام آباد : راولپنڈی پولیس نے بانی پی ٹی آئی کی اہلیہ بشریٰ بی بی کو 9 مئی کے 11 کیسز میں ملزم نامزد کردیا۔تفصیلات کے مطابق اسلام آباد ہائی کورٹ میں بانی پی ٹی آئی کی اہلیہ کیخلاف درج کیسز کی تفصیلات فراہمی کیس کی سماعت ہوئی۔راولپنڈی اور اسلام آباد پولیس نے اپنا جواب جمع کروادیا، راولپنڈی پولیس نے بشریٰ بی بی کو 9 مئی کے 11 کیسز میں ملزم نامزد کردیا۔
بانی پی ٹی آئی کی اہلیہ کیخلاف راولپنڈی میں درج 11مقدمات کی تفصیلات عدالت میں پیش کی۔سی پی اوراولپنڈی کی جانب سے رپورٹ اسلام آبادہائی کورٹ میں پیش کی گئی۔اس سے قبل سماعت میں نیب پراسیکیوٹر رافع مقصود نے عدالت کے روبروکہا تھا کہ بانی پی ٹی آئی کی اہلیہ کے خلاف نیب میں 4 کیس درج ہیں ،تین کیس نیب راولپنڈی میں درج ہیں ایک کیس نیب لاہور میں درج ہے۔ایف آئی اے اور بلوچستان پولیس نے جواب جمع نہیں کروایا، جس پر ایف آئی اے اور بلوچستان پولیس کو پیر کے لیے دوبارہ نوٹس جاری کر دیا ہے۔
اہم پی ٹی آئی رہنما کا نام ای سی ایل سے نکال دیا گیا، دیکھیں
