اسلام آباد(نیوزڈیسک)وفاقی دارالحکومت اسلام آباد میں عافیہ موومنٹ کے احتجاجی اعلان کے پیش نظر ریڈ زون کوسیل کر دیا،پاکستانی شہری ڈاکٹر صدیقی اس وقت فورٹ ورتھ، ٹیکساس کے فیڈرل میڈیکل سینٹر میں اقدام قتل سمیت دیگر الزامات میں 86 سال قید کی سزا کاٹ رہی ہیں۔
ضلعی انتظامیہ نے مظاہرے کو روکنے کی کوشش میں اہم راستوں تک رسائی کو روکنے اور ریڈ زون کو بند کرنے کے لیے کنٹینرز کا استعمال کرتے ہوئے سخت حفاظتی اقدامات نافذ کیے ہیں۔ حکام نے زور دے کر کہا کہ علاقے میں کسی بھی احتجاج کی اجازت نہیں دی گئی تھی۔
قانون نافذ کرنے والے ادارے عوامی تحفظ کو یقینی بنانے اور امن و امان کو برقرار رکھنے کے لیے ہائی الرٹ پر ہیں، جبکہ ڈاکٹر صدیقی کے حامی ان کی قید پر تحفظات کا اظہار کرتے ہوئے انصاف اور منصفانہ سلوک کا مطالبہ کر رہے ہیں۔
