کراچی(نیوز ڈیسک)سندھ حکومت نے کسانوں کے لیے سبسڈی کے ساتھ سولر پینل اسکیم کا اعلان کیا ہے۔
سندھ کے وزیر زراعت محمد بخش مہر نے کہا کہ اس اسکیم کے تحت چھوٹے اور درمیانے درجے کے کسانوں کو جن کی زرعی اراضی 5 سے 25 ایکڑ تک ہے انہیں سبسڈی پر سولر پاور پینل فراہم کیے جائیں گے۔
اس اسکیم کے ذریعے 4000 ایکڑ اراضی پر کل 295 سولر یونٹ لگائے جائیں گے۔
کسان 20 فیصد لاگت کی تقسیم کے نظام کے ذریعے ادا کریں گے جبکہ باقی 80 فیصد سندھ حکومت ادا کرے گی۔
وزیر زراعت نے کہا کہ کسان اپنی درخواستیں 20 ستمبر تک حیدرآباد میں ڈائریکٹر جنرل زراعت کے دفتر کو بھیج سکتے ہیں۔
علاوہ ازیں حکومت نے صوبے کے ہزاروں نئے اندراج شدہ کسانوں میں بے نظیر ہاری کارڈ تقسیم کرنے کا بھی اعلان کیا ہے۔ وزیر نے کہا کہ سندھ میں 80,000 نئے کسانوں کی رجسٹریشن اور تصدیق مکمل ہو چکی ہے۔
سندھ بینک رواں ماہ کے آخری ہفتے میں 50 ہزار کارڈ جاری کرے گا اور اس کے بعد ہر 20 دن میں مزید 50 ہزار کارڈ جاری کیے جائیں گے۔ کارڈز کے ذریعے کسانوں کو سبسڈی اور مالی مدد ملے گی۔
مزیدپڑھیں:سیلاب متاثرین کیلیے 50 ہزار ڈالر امداد کا اعلان
