اسلام آباد (نیوز ڈیسک) وزیر اعلیٰ خیبر پختونخوا علی امین گنڈا پور کی عہدے سے چھٹی کے بعد شیر افضل مروت کی پرانی ویڈیو سامنے آگئی جو 14 جولائی کی ہے، جس میں انہوں نے اشارہ دیا تھا کہ علی امین کو کسی بھی وقت فارغ کیا جاسکتا ہے۔
یہ ویڈیو نجی ٹی وی کے پروگرام مد مقابل کی ہے جس میں شیر افضل مروت نے صحافی رؤف کلاسرا سے گفتگو کرتے ہوئے بتایا کہ علی امین گنڈاپور پر دسمبر 2024 میں کانٹا لگ گیا تھا۔ انہوں نے مزید کہا کہ عمران خان کو جب بھی موقع ملا وہ انہیں عہدے سے ہٹا دیں گے۔
شیر افضل مروت کی کئی مہینے پہلے کہی گئی بات سچ ثابت ہوئی اور علی امین کو آج عہدے سے ہٹا دیا گیا۔ ان کی جگہ ضلع خیبر سے پہلی بار منتخب ہونے والے نوجوان رکن سہیل آفریدی کو نامزد کیا گیا ہے ۔
علی امین گنڈاپور پر عمران خان نے پچھلے سال دسمبر میں ہی کانٹا لگا دیا تھا وہ بس وقت کا انتظار کررہے ہیں اور فارغ کر دیں گے۔
ایم این اے شیر افضل مروت نے ہمارے پروگرام مدمقابل میں 14 جولائی کو ہی بتا دیا تھا۔۔@NeoNewsUR @sherafzalmarwat @AliAminKhanPTI @fawadnb @NasrullahMalik1 pic.twitter.com/9kD2DFVCmv— Rauf Klasra (@KlasraRauf) October 8, 2025
مزیدپڑھیں:تعمیراتی کاموں سے وابستہ افراد کے لیے اہم خبر، سیمنٹ کی قیمت میں کمی
