اسلام آباد(نیوز ڈیسک)جمعیت علما اسلام (جے یو آئی) نے 27ویں آئینی ترمیم کا حصہ بننے والے پارٹی سینیٹر کے خلاف کارروائی کا اعلان کردیا۔
جے یو آئی کے سینیئر رہنما عبدالغور حیدری نے کہاکہ پارٹی پالیسی کے خلاف ووٹ ڈالنے والے سینیٹر کے خلاف کارروائی کی جائےگی۔
انہوں نے کہاکہ ہماری نظر میں آئین میں ترمیم قومی مفاد میں ہوتی ہے، جے یو آئی نے 27ویں آئینی ترمیم کے حق میں ووٹ نہ دینے کا فیصلہ کیا ہے۔
واضح رہے کہ تحریک انصاف سے تعلق رکھنے والے سینیٹر احمد خان اور پی ٹی آئی سے تعلق رکھنے والے سینیٹر سیف اللہ ابڑو نے 27ویں آئینی ترمیم کے حق میں ووٹ دیا ہے۔
پاکستان تحریک انصاف نے بھی 27ویں آئینی ترمیم کا حصہ نہ بننے کا اعلان کررکھا ہے۔
ایوان بالا میں آئینی ترمیم کی منظوری کے موقع پر اپوزیشن کی جانب سے شدید احتجاج کیا گیا، اور نعرے بازی کی گئی۔
