ایچ ای سی جامعات میں خالی آسامیوں کی شرح ملک بھر کی سرکاری اور نجی یونیورسٹیوں میں تقریباً 40 فیصد تک پہنچ گئی ہے۔
ہائر ایجوکیشن کمیشن کی جانب سے جاری تفصیلات کے مطابق متعدد اہم تدریسی اور انتظامی عہدے طویل عرصے سے خالی ہیں۔
ان میں وائس چانسلر، رجسٹرار، ڈین، کنٹرولر امتحانات اور اساتذہ کی آسامیاں شامل ہیں۔ خالی عہدوں کے باعث تعلیمی اور انتظامی امور متاثر ہو رہے ہیں۔
چیئرمین ڈاکٹر نیاز احمد اختر نے تمام جامعات کو ہدایت جاری کی ہے کہ 15 اگست 2026 تک میرٹ پر بھرتیوں کا عمل مکمل کیا جائے۔
انہوں نے خبردار کیا کہ غیر ضروری تاخیر کی صورت میں متعلقہ اداروں کے خلاف انتظامی کارروائی کی جا سکتی ہے۔
کمیشن نے وائس چانسلرز اور ریکٹرز کو سلیکشن بورڈ کے باقاعدہ اجلاس منعقد کرنے کی تاکید کی ہے۔ شفاف اور میرٹ پر مبنی تقرریوں کو یقینی بنانے پر زور دیا گیا ہے۔
ماہرین تعلیم کے مطابق بروقت تقرریاں اعلیٰ تعلیم کے نظام کو مستحکم بنانے کے لیے ناگزیر ہیں۔
