لاہور ، موسلادھار بارش، 100 سے زائد فیڈر ٹرپ کرگئے،ہائی الرٹ جاری

لاہور(نیوزڈیسک) لاہور میں مون سون موسلادھار بارش سے گرمی کی شدت میں کمی آگئی ۔بارش سے موسم خوشگوار ہوگیا تاہم پی ڈی ایم اے نے نیا الرٹ جاری کر دیا۔لاہور سمیت پنجاب کے بعض علاقوں راولپنڈی، گوجرانوالہ، گجرات، نارووال اور دیگر علاقوں میں آندھی اور گرج چمک کے ساتھ موسلا دھار بارش نے گرم اور مرطوب موسمی حالات سے مکینوں کو انتہائی ضروری راحت فراہم کی۔

لکشمی چوک، گوالمنڈی، قرطبہ چوک، ڈیوس روڈ، اسلام پورہ، بند روڈ، انارکلی، شالامار گارڈن، ماڈل ٹاؤن، گلبرگ، گارڈن ٹاؤن اور دیگر میں موسلا دھار بارش کچھ حصوں میں پانی بھر گیا، 100 سے زائد فیڈر ٹرپ ہونے سے بجلی کی بندش کی اطلاع ملی۔

مون سون کے موسم میں پنجاب ہائی الرٹ پرپراونشل ڈیزاسٹر مینجمنٹ اتھارٹی (پی ڈی ایم اے) نے لاہور سمیت پنجاب کے مختلف شہروں میں شدید بارشوں کے باعث الرٹ اور ہنگامی ہدایات جاری کر دی ہیں۔صوبائی کنٹرول رومز اور ڈسٹرکٹ ایمرجنسی آپریشن سینٹرز ہائی الرٹ پر ہیں

، PDMA کا کنٹرول روم 24/7 بارش کی صورتحال کی نگرانی کر رہا ہے۔ ڈی جی پی ڈی ایم اے نے ریسکیو 1122 اور دیگر ریسکیو اداروں کو مشینری اور عملہ کو سٹینڈ بائی پر رکھنے کا حکم دیا ہے تاکہ نشیبی علاقوں سے پانی کی فوری نکاسی کو یقینی بنایا جا سکے۔
کرکٹر شاہین شاہ آفرید ی اور کرکٹ کوچ محمد یوسف کے درمیان جھگڑے کا انکشاف