کراچی(نیوز ڈیسک)ماہر علم نجوم سامعہ خان نے پیش گوئی کی ہے کہ چیئرمین پیپلزپارٹی بلاول بھٹو 2025 میں وزیراعظم اور دولہا بھی بن سکتے ہیں۔سامعہ خان نے کہا کہ 3 لوگوں کے ستارے زیادہ مضبوط اور گردش میں ہیں جن میں شہباز شریف، مولانا فضل الرحمان، بانی پی ٹی آئی شامل ہیں، عمران خان کو ستارے کے مطابق شادی راس نہیں آئی۔
انہوں نے کہا کہ 2023 میں کہا تھا بانی پی ٹی آئی آئسولیشن میں جارہے ہیں، 12 جنوری سے عمران خان کی آئیسولیشن ختم ہونے کا سلسہ شروع ہورہا ہے، 10 فروری 2025 سے ان کی آئسولیشن ختم ہونے جارہی ہے، ان کے لیے جنوری سے فروری عارضی ریلیف کے ماہ ہوں گے۔سامعہ خان نے کہا کہ ستاروں کے مطابق ملک کے حالات بہتری کی جانب جاتئ نظر آرہے ہیں، سال کے شروع کے ماہ وزیراعظم شہباز شریف کے لیے فائدہ مند ہوں گے۔
ماہر علم نجوم کے مطابق بلاول بھٹو کا سیاسی ستارہ بہت مضبوط ہے، ان کو 2025 میں نوازتے دیکھ رہی ہوں، ہوسکتا ہے ان کو وزیراعظم کے منصب سے نوازا جائے اور وہ دولہا بھی بن سکتے ہیں۔ایک اور پروگرام میں سامعہ خان نے دعویٰ کیا کہ یہ ان کا ریکارڈ ہے کہ 2021 سے 2024 تک ان کی 99 فیصد پیشگوئیاں درست ثابت ہوئی ہیں، ساتھ ہی انہوں نے کہا کہ ‘جب تک اگلے سال (2025) کی 15 مئی نہیں آجاتی، تب تک ہر دن آپ لوگوں نے اللہ سے اپنے لیے امان مانگنی ہے۔ماہر علمِ نجوم نے وضاحت دی کہ ‘شیطانی طاقتوں کا دور دورہ ہے اور 15 مئی کے بعد پھر اللہ پاک اس دنیا کا نقشہ بدلنے جا رہے ہیں۔ پاکستان کی سیاسی و معاشی صورتحال پر گفتگو کرتے ہوئے سامعہ نے کہا ‘شاید ابھی آپ کو میری باتیں دیوانے کا خواب لگیں لیکن پاکستان 2025 سے ہی وہ بنے گا جس کا خواب آپ کو دکھایا گیا، اب ہمارے ملک کا وہ وقت شروع ہوگا، لیکن 5 جنوری سے 24 فروری کا وقت مشکل ہے۔
