میرپور(نیوز ڈیسک) بنگلادیش کرکٹ ٹیم نے 3 میچز کی سیریز کے پہلے ون ڈے میں آسٹریلیا کو 86 رنز سے شکست دے کر کینگروز کے خلاف 21 سال بعد ون ڈے میں فتح حاصل کرلی۔
3 ون ڈے میچز کی سیریز کے پہلے میچ میں مہمان ٹیم آسٹریلیا نے ٹاس جیت کر میزبان بنگلادیش کو بیٹنگ کی دعوت دی۔
بنگلا دیش نے مقررہ 50 اوورز میں 8 وکٹوں پر 284 رنز اسکور کیے۔مصدق حسین نے ناقابلِ شکست 86 رنز کی اننگز کھیلی ۔کپتان نجم الحسن شانتو نے 67 رنز بنائے جبکہ تنزید حسن نے 54 رنز اسکور کیے۔
آسٹریلیا کی جانب سے نیتھن ایلس نے 3 وکٹیں حاصل کیں۔
تاہم ہدف کے جواب میں آسٹریلیا کی ٹیم مشکلات کا ہی شکار رہی۔42.2 اوورز میں آسٹریلیا نے 9 وکٹوں پر 191 اسکور کیے تو بارش کی وجہ سے میچ روک دیا گیا جس کے بعد کھیل شروع نہ ہوسکا اور میچ بنگلادیش کی جیت کے ساتھ ختم کر دیا گیا۔
کیمرون گرین نے 52 رنز اور ایلکس کیری نے 47 رنز بنائے۔بنگلا دیش کی جانب سے ناہید رانا نے شاندار بولنگ کرتے ہوئے 4 وکٹیں حاصل کیں۔
یوں بنگلا دیش نے آسٹریلیا کو ڈی ایل ایس میتھ کے تحت 86 رنز سے شکست دے کر سیریز میں 0-1 کی برتری حاصل کرلی۔
واضح رہے کہ بنگلا دیش نے آسٹریلیا کے خلاف 21 سال بعد ون ڈے کرکٹ میں کامیابی حاصل کی ہے۔
اس سے قبل بنگلا دیش نے آخری بار 18 جون 2005 کو کارڈف میں آسٹریلیا کو ون ڈے میچ میں شکست دی تھی۔
مزید پڑھیں۔ایشین گیمز 2026: پاکستان ٹی ٹوئنٹی ٹیم کے کپتان صاحبزادہ فرحان ہونگے، 15 رکنی اسکواڈ کا اعلان
