بھارتی ایئرلائنز کیلئےفضائی حدود بند،اربوں کا نقصان،کارگو سروس بھی ٹھپ

نئی دہلی(ویب ڈیسک ) پاک بھارت جنگ ختم ہو چکی ہے، مگر پاکستان نے تاحال بھارتی ایئرلائنز کے لیے اپنی فضائی حدود نہیں کھولی، جس کے باعث بھارتی فضائی کمپنیوں کو بھاری مالی نقصان کا سامنا ہے۔

تفصیلات کے مطابق ایوی ایشن ذرائع کا کہنا ہے کہ پاکستان کی فضائی حدود کی بندش سے نہ صرف بھارتی مسافر پروازیں بلکہ کارگو سروسز بھی متاثر ہوئی ہیں، اور اب تک بھارت کو 5 ارب روپے سے زائد کا نقصان ہو چکا ہے۔

یہ پابندی تین ہفتوں سے جاری ہے، جس کے باعث بھارت سے امریکا، یورپ اور کینیڈا جانے والے لاکھوں مسافروں کو شدید مشکلات کا سامنا ہے۔ بھارتی پروازوں کو متبادل راستے اختیار کرنے کی وجہ سے ان کے سفر میں دو سے تین گھنٹے کا اضافی وقت لگ رہا ہے، جس سے نہ صرف اخراجات میں اضافہ ہوا ہے بلکہ فلائٹ شیڈول بھی متاثر ہو رہا ہے۔
مزیدپڑھیں:بیٹی صرف ویڈیوز بنانے گئی تھی:جاسوسی کے الزام میں گرفتار یوٹیوبر کے والد کابیان