ریاض(انٹرنیشنل ڈیسک)ریاض کے چھوٹے سے قصبے الصالحیہ میں ایک عام شہری کی غیر معمولی بہادری نے نہ صرف درجنوں افراد کی جانیں بچائیں بلکہ اسے سعودی شاہی دربار سے اعلیٰ ترین اعزاز اور کروڑوں روپے کا انعام بھی دلوا دیا۔
جمعہ کی سہ پہر 40 سالہ ماہر فہد الدلبحی اپنی گاڑی چلا رہے تھے جب انہوں نے ایک ٹرک کو آگ کی لپیٹ میں دیکھا۔ ٹرک جانوروں کے چارے سے بھرا ہوا تھا اور پٹرول پمپ کے قریب کھڑا تھا۔ ڈرائیور خوفزدہ ہو کر فرار ہو چکا تھا، لیکن ماہر نے حاضر دماغی اور جرات کا مظاہرہ کرتے ہوئے جلتے ہوئے ٹرک کو اسٹیشن سے دور منتقل کر دیا، جس سے ایک بڑے حادثے کو ٹال دیا گیا۔
ماہر خود تیسرے درجے کے جھلسنے کے زخموں کا شکار ہوئے اور انہیں فوری طور پر ریاض کے کنگ سعود میڈیکل سٹی منتقل کیا گیا، جہاں ان کا علاج جاری ہے۔ ان کی بہادری کی خبر سعودی شاہی محل تک پہنچی، اور ولی عہد شہزادہ محمد بن سلمان کی سفارش پر شاہ سلمان نے ماہر کو کنگ عبدالعزیز میڈل (فرسٹ کلاس) اور 10 لاکھ سعودی ریال نقد انعام دینے کا اعلان کیا۔
ماہر کی بہادری کی ویڈیوز سوشل میڈیا پر وائرل ہو چکی ہیں اور عوام انہیں قومی ہیرو قرار دے رہے ہیں۔
#فيديو | قاد شاحنة مشتعلة.. شجاعة سعودي تمنع كارثة محققة بمحطة وقود#صحيفة_الخليج pic.twitter.com/tocK4o5Waf
— صحيفة الخليج (@alkhaleej) August 17, 2025
ریاض کے نائب امیر شہزادہ محمد بن عبدالرحمن نے اسپتال جا کر ماہر کی خیریت دریافت کی اور بہترین علاج کی یقین دہانی کرائی۔ ماہر کے اہل خانہ نے اس اعزاز کو بہت بڑا فخر قرار دیا۔ اسکول کے سیکیورٹی گارڈز کے نگران ماہر اب نہ صرف اپنے گاؤں بلکہ پورے سعودی عرب کے لیے مثال بن چکے ہیں۔
یہ واقعہ اس بات کی روشن مثال ہے کہ ایک فرد کی جرات اور قربانی کس طرح پورے معاشرے کو تحفظ فراہم کر سکتی ہے۔
مزیدپڑھیں:پاکستانی فوج قومی استحکام کا ستون، پاک چین دوستی اور تعاون کی مضبوط محافظ ہے: چینی وزیر خارجہ
