کویت سٹی (نیوز ڈیسک)کویت میں میونسپل کونسل کے اراکین نے ایک تجویز پیش کی ہے جس میں نجی رہائشی عمارتوں کے تہہ خانوں میں کلینکس، سرکاری اسکولوں، اور اسی طرح کے دیگر سرکاری اداروں کو امور انجام دینے کے لئے استعمال کے لیے لائسنس دینے کی اجازت دی گئی ہے، بشمول پارکنگ، پناہ گاہیں، یا دیگر خصوصی افعال بھی ان میں شامل ہیں۔
غیر ملکی ذرائع ابلاغ کے مطابق کویت میں میونسپل کونسل نے وضاحت کی کہ عوامی خدمات پر بڑھتے ہوئے دباؤ کے ساتھ ساتھ زمین کی محدود دستیابی اور آبادی میں اضافے کے باعث موجودہ عمارتوں کے ضوابط پر نظرثانی کی ضرورت ہے۔
رپورٹس کے مطابق مجوزہ تبدیلیوں کا مقصد سرکاری اداروں کی موجودہ جگہوں کا بہتر استعمال کرتے ہوئے اپنی آپریشنل صلاحیتوں کو بہتر بنانے کے قابل بنانا ہے۔
انہوں نے اس بات پر زور دیا کہ یہ تجویز نہ صرف ریاستی اراضی کے استعمال کی کارکردگی میں اضافہ کرے گی بلکہ عوامی خدمات کے معیار کو بھی بہتر بنائے گی۔
اس سے بنیادی ڈھانچا مضبوط ہوگا اور شہریوں اور رہائشیوں دونوں کو فائدہ پہنچے گا۔
مزیدپڑھیں:
نادرا کی شہریوں کو شناختی کارڈ سے متعلق اہم ہدایات
