اسلام آباد( نیوزڈیسک) چیف کمشنر اسلام آباد محمد علی رندھاوا کو کیپٹل ڈیوویلپمنٹ اتھارٹی (سی ڈی اے) کے چیئرمین کی اضافی ذمہ داری سونپ دی گئی۔ یہ فیصلہ ان کی بطور چیف کمشنر اسلام آباد تعیناتی کے فوراً بعد سامنے آیا ۔
حکومت کا پاسپورٹ بیک لاگ خاتمے کیلئے ای پاسپورٹ مشینیں خریدنے کا فیصلہ
محمد علی رندھاوا کی بطور چیئرمین سی ڈی اے تقرری کا نوٹیفکیشن باضابطہ طور پر جاری کر دیا گیا ہے، انہیں وفاقی دارالحکومت کی ترقی اور دیکھ بھال کا چارج سونپا گیا ہے۔اسلام آباد کے چیف کمشنر اور سی ڈی اے کے چیئرمین دونوں کی حیثیت سے،
اب انہیں دارالحکومت کی ترقی کے اہم پہلوؤں کی نگرانی اور ترقیاتی منصوبوں کے موثر نفاذ کو یقینی بنانے کا کام سونپا گیا ہے۔محمد علی رندھاوا کا دوہرا کردار ایک ایسے وقت میں سامنے آیا ہے جب اسلام آباد تیزی سے اربنائزیشن سے گزر رہا ہے اور انفراسٹرکچر، ہاؤسنگ اور ماحولیاتی پائیداری سے متعلق مختلف چیلنجز کا سامنا ہے۔
