اسلام آباد (اوصاف نیوز) ملک بھر میں فشنگ فراڈ کے بڑھتے ہوئے واقعات کے بعد پی ٹی اے نے شہریوں کو حساس معلومات کی حفاظت کے لیے فوری ہدایات جاری کر دی ہیں۔
پاکستان ٹیلی کمیونیکیشن اتھارٹی نے ملک میں بڑھتی ہوئی فشنگ اسکیموں کے پیش نظر شہریوں کو سخت وارننگ جاری کرتے ہوئے کہا ہے کہ جعلی ای میلز، مشکوک لنکس اور فریب دینے والی ویب سائٹس کے ذریعے حساس معلومات چوری کی جارہی ہیں، اس لیے شہری انتہائی محتاط رہیں۔
پی ٹی اے کے ترجمان کے مطابق، فشنگ سکیم ایک منظم فراڈ ہے جس میں ملزمان جعلی شناخت، سرکاری لوگو اور بینک الرٹس کا سہارا لیتے ہیں تاکہ صارفین کا اعتماد حاصل کیا جا سکے تاکہ وہ ان سے OTP، پاس ورڈ، کریڈٹ کارڈ یا بینک اکاؤنٹ کی تفصیلات حاصل کر سکیں۔
پی ٹی اے کے مطابق فشنگ سکیمیں اتنی چالاکی سے چلائی جاتی ہیں کہ آپ فوری ایکشن لینے پر مجبور ہو جاتے ہیں۔
شہریوں کو ہدایت کی گئی کہ وہ مشکوک لنکس پر کلک نہ کریں، لنکس بھیجنے والے کی تصدیق نہ کریں، اپنی ذاتی معلومات کسی کے ساتھ شیئر نہ کریں اور مشکوک لنکس کی اطلاع دیں۔ اتھارٹی نے مزید کہا کہ پی ٹی اے آپ کی ذاتی معلومات حاصل کرنے کے لیے کبھی کال یا کوئی ای میل نہیں بھیجے گا۔
اتھارٹی نے مزید کہا کہ اس آگاہی کو اپنے دوستوں اور اہل خانہ تک پہنچانا ضروری ہے تاکہ ہر کوئی سائبر فراڈ سے محفوظ رہے۔
مزید پڑھیں:علی ترین کا’ ملتان سلطانز ‘کے حوالے سے اہم اعلان!
