شادی کی پیشکش کے لیے میلوں کا فاصلہ طے کرنیوالے شخص نے سب کو حیران کر دیا

چین (نیوز ڈیسک) تصور کریں کہ اگر آپ کسی کو پرپوز کرنا چاہتے ہیں تو کیا آپ کار میں 900 میل کا سفر کرنا پسند کریں گے؟

یقین کرنا مشکل ہو گا لیکن چین میں ایک شخص نے ایسا ہی کر دیا۔

فروری میں، یہ شخص پورے چین کے سفر پر روانہ ہوا اور اس کی گاڑی پر ایک سرخ بینر لگا ہوا تھا جس پر لکھا تھا کہ دوسرے ڈرائیوروں کو راستہ دینا ہے۔

بینر پر لکھا تھا، “لوگوں، مجھے پہلے جانے دو، میں اپنی محبت کی پیشکش کرنے کے لیے Guizhou جا رہا ہوں۔”

کار کے مالک 26 سالہ ٹین کا تعلق وسطی چین کے صوبہ جیانگ شی سے ہے اور وہ جنوب مشرقی چین کے صوبہ فوجیان میں کاروبار چلاتا ہے۔

ٹین نے مقامی میڈیا کو بتایا کہ اس کی گرل فرینڈ چینی نئے سال کے آغاز پر اپنے آبائی صوبے Guizhou واپس آئی تھی۔

دونوں کی ملاقات کالج میں ہوئی اور چار سال تک ساتھ رہے۔

ٹین کا کہنا تھا کہ اس نے بینر گاڑی میں اس لیے لگایا تھا تاکہ وہ نئے سال کے موقع پر سڑکوں پر ٹریفک جام سے بچ سکیں اور اپنی خوشی دوسرے ڈرائیوروں کے ساتھ بانٹ سکیں۔

ٹین کے مطابق اس کی گرل فرینڈ کو معلوم نہیں تھا کہ وہ اسے سرپرائز کرنے آ رہا ہے۔

اس کے لیے تان نے جیانگشی سے 932 کلومیٹر کا فاصلہ طے کیا۔

ساڑھے 12 گھنٹے کے طویل سفر کے بعد اس نے اپنی گرل فرینڈ کو پرپوز کیا جسے اس نے بخوشی قبول کر لیا۔

ٹین نے کہا کہ طویل ٹریفک جام کے دوران بینر نے ان کی بہت مدد کی اور ایک ڈرائیور نے انہیں مبارکباد بھی دی۔
مزید پڑھیں‌:افسوسناک خبر آگئی،امریکا اسرائیل نے 9 ایرانی اسپتالوں کو نشانہ بنا ڈالا