نئی دہلی (انٹرنیشنل ڈیسک) بھارتی کرکٹر ہاردک پانڈیا ایک بار پھر اپنی ذاتی زندگی اور پرتعیش طرز زندگی کی وجہ سے خبروں میں آگئے ہیں۔ اس نے اپنی گرل فرینڈ ماہیکا شرما کو ایک پرتعیش مرسڈیز کار تحفے میں دی۔
میڈیا رپورٹس کے مطابق ہاردک پانڈیا نے ماہیکا شرما کو مرسڈیز بینز وی کلاس کار تحفے میں دی جس کی قیمت تقریباً 1.7 کروڑ بھارتی روپے بتائی جاتی ہے۔
سوشل میڈیا پر وائرل ہونے والی تصاویر میں دونوں کو شو روم میں نئی گاڑی وصول کرتے ہوئے دیکھا جا سکتا ہے جس کے بعد یہ خبر تیزی سے پھیلنے لگی اور یہ خبر ایسے وقت میں سامنے آئی جب ہاردک پانڈیا انڈین پریمیئر لیگ میں ممبئی انڈینز کی قیادت کرنے کے لیے میدان میں اترنے والے ہیں۔
Hardik Pandya gifted India’s first Mercedes-Benz V-Class to his girlfriend Mahieka sharma today, and its price is around ₹1.7 crore.🫡 pic.twitter.com/JXdn6dD5Jk
— 𝐑𝐮𝐬𝐡𝐢𝐢𝐢⁴⁵ (@rushiii_12) March 29, 2026
رپورٹس کے مطابق ہاردک پانڈیا لگژری کاروں کے مداح ہیں اور وہ پہلے سے ہی کئی مہنگی کاروں کے مالک ہیں جن میں رولز رائس، لیمبوروگھینی اور آڈی شامل ہیں جب کہ انہوں نے حال ہی میں ایک مہنگی فراری خریدی ہے۔
اس مہنگے تحفے پر سوشل میڈیا صارفین تقسیم ہو گئے، کچھ مداحوں نے اسے محبت کا مظاہرہ قرار دیا تو کچھ نے اسے غیر ضروری خرچ قرار دیا۔
واضح رہے کہ ہاردک پانڈیا اور ماہیکا شرما گزشتہ کچھ عرصے سے اپنی دوستی اور مشترکہ عوامی تقریبات کی وجہ سے خبروں میں ہیں۔
مزید پڑھیں:کرکٹ کا سنسنی خیز مقابلہ، کراچی کنگز نے لاہور قلندرز کو پچھاڑ دیا
