ٹریفک جرمانوں میں کمی اور سزاؤں کے خاتمے کا نوٹیفکیشن جاری

لاہور (نیوز ڈیسک) محکمہ قانون پنجاب نے ٹریفک جرمانوں میں کمی اور سزاؤں کے خاتمے کا گزٹ نوٹیفکیشن جاری کر دیا۔

پرانے آرڈیننس میں لائسنس سے متعلق جرائم کی سزا پچاس ہزارروپے سے ایک لاکھ روپے جرمانہ اور قید تھی لیکن نئے بل میں یہ جرمانہ دس ہزار روپے سے کم کر کے پانچ ہزار روپے اور قید کر دیا گیا ہے۔

یک طرفہ خلاف ورزی پر 50 ہزار یا 6 ماہ قید یا دونوں سزائیں تھیں، جب کہ نئی قانون سازی میں جرمانے کو ختم کر دیا گیا ہے۔

آرڈیننس 2025 میں لائسنس کی خلاف ورزی پر پچاس ہزار روپے جرمانہ تجویز کیا گیا تھا جب کہ نئے بل میں اسے کم کر کے صرف پانچ ہزار روپے اور قید کی سزا ختم کر دی گئی ہے۔

غلط سمت میں گاڑی چلانے پر آرڈیننس میں چھ ماہ قید یا پچاس ہزار روپے جرمانے کی دفعات رکھی گئی تھیں جب کہ نئے بل میں صرف پانچ ہزار روپے جرمانے کی دفعات رکھی گئی ہیں۔

آرڈیننس میں عمر کی حد کی خلاف ورزی پر 6 ماہ قید اور 50 ہزار روپے جرمانے کا انتظام کیا گیا ہے۔ نئے بل میں 10 ہزار روپے جرمانے کی تجویز دی گئی ہے۔ تاہم، ایسی صورت میں، گاڑی کو ضبط کر کے مالک یا مجاز شخص کے حوالے کر دیا جائے گا جس کے پاس مطلوبہ ڈرائیونگ لائسنس ہو۔

پرانے آرڈیننس میں فٹنس سرٹیفکیٹ کے بغیر گاڑی چلانے پر 6 ماہ قید یا 50 ہزار روپے اور سابقہ ​​سزا کی صورت میں دو سال قید یا ایک لاکھ روپے جرمانے کا انتظام کیا گیا تھا۔ نئے بل میں 5000 روپے جرمانے کی گنجائش رکھی گئی ہے۔ گاڑی کو صرف انسپکشن اسٹیشن تک لے جانے کی اجازت ہوگی۔

اس سے قبل پبلک سروس گاڑی میں حد سے تجاوز کرنے والے مسافر کو 6 ماہ قید یا 50 ہزار روپے جرمانے کی سزا سنائی جاتی تھی۔ اب، 5000 روپے کا جرمانہ عائد کیا جائے گا، خاص طور پر چھت پر سوار یا گاڑی کے اطراف سے لٹکنے والے مسافروں پر۔
مزید پڑھیں‌:کالام میں سیاحوں اور مقامی ٹرانسپورٹرز کے مابین تنازعہ ،انتظامیہ حرکت میں آ گئی