لاہور(ویب ڈیسک)9 مئی کیس میں تحریک انصاف کے رکن پنجاب اسمبلی کلیم اللہ خان کو لاہور سے گرفتار کر لیا گیا۔ پنجاب پولیس کے مطابق کلیم اللہ خان 9 مئی کے مقدمے میں مرکزی ملزم ہیں اور انہیں انسداد دہشت گردی عدالت کی جانب سے اشتہاری قرار دیا جا چکا تھا۔ پولیس کا کہنا ہے کہ اسپیشل ٹیم نے ایم پی اے کی گرفتاری کے لیے لاہور میں کارروائی کی جس دوران کلیم اللہ خان کو گرفتار کر لیا گیا۔ پولیس کا کہنا ہے کہ کلیم اللہ خان کو گرفتار کرنے کے بعد لاہور سے گوجرانوالا منتقل کر دیا گیا ہے۔ حکام کے مطابق گرفتاری سے قبل پنجاب اسمبلی کے اسپیکر سے باقاعدہ اجازت بھی حاصل کی گئی تھی۔
مزیدپڑھیں:مقبوضہ کشمیر کے سابق وزیراعلیٰ پر قاتلانہ حملہ، ویڈیو منظر عام پر آگئی
