پاکستان کے محکمہ موسمیات نے شہر میں 29 مئی سے 31 مئی تک تین روزہ ہیٹ ویو کی پیش گوئی کی ہے، اس دوران درجہ حرارت 42 ڈگری سینٹی گریڈ سے تجاوز کر سکتا ہے۔
کراچی میں ہیٹ ویو الرٹ جاری کر دیا گیا ہے، شدید گرمی تین روز تک رہنے کا امکان ہے۔ اس عرصے کے دوران سمندری ہوائیں غیر فعال رہیں گی، نمی کی سطح 55 فیصد کے قریب رہے گی، اور درجہ حرارت بلند رہے گا۔
مزید پڑھیں: وزارت خزانہ کا وفاقی ترقیاتی بجٹ کی حد 1200 ارب روپے رکھنے کا فیصلہ
پی ایم ڈی کے مطابق، بدھ سے جمعہ (29-31 مئی) تک، زیادہ سے زیادہ درجہ حرارت 40 سے 42 ڈگری سیلسیس کے درمیان رہنے کی توقع ہے۔ نمی بڑھنے کی وجہ سے گرمی اور بھی شدید محسوس ہو سکتی ہے۔ پیر کے روز شہر میں زیادہ سے زیادہ درجہ حرارت 37.8 ڈگری سیلسیس ریکارڈ کیا گیا، نمی کی سطح 55 فیصد رہی۔
آج (منگل) کے لیے موسم گرم اور مرطوب رہنے کی توقع ہے، تیز ہوائیں چلنے کا امکان ہے۔ سندھ کے دیہی اضلاع میں گرمی کی لہر جاری ہے، موہنجو داڑو میں درجہ حرارت 51.5 اور لاڑکانہ اور روہڑی میں 51 ڈگری سینٹی گریڈ ریکارڈ کیا گیا۔
