یمن(نیوز ڈیسک)یمن پر اسرائیلی حملوں میں حوثی اکثریتی تنظیم انصار اللہ نے وزیراعظم کی شہادت کی تصدیق کردی۔
حوثیوں نے تصدیق کی ہے کہ وزیراعظم احمد الرہوی اسرائیلی فضائی کارروائی کے دورانشہید ہوگئے۔ ان کے ساتھ کابینہ کے کم از کم 18 سے زائد افراد جان کی بازی ہار گئے ۔ جبکہ ان کی جگہ احمد الراہوی کے جانشین کے طور پر، نائب وزیراعظم محمد احمد احمد مفتاح نے صدارت سنبھالی ہے، تاہم یہ عارضی تعیناتی ہے
یمنی میڈیا کے مطابق جمعرات کو دارالحکومت صنعا پر اسرائیل کی جانب سے متعدد حملے کیےگئے تھے۔
خبر ایجنسی کے مطابق اسرائیلی فوج نے حملوں میں حوثی اکثریتی جماعت انصار اللہ کے متعدد رہنماؤں کو نشانہ بنانےکا دعویٰ کیا تھا تاہم حوثیوں کی وزارت دفاع نے اسرائیلی حملوں میں قیادت نشانہ بننے کی تردید کرتے ہوئے غزہ میں نسل کشی اورفلسطینیوں کوفاقہ کشی سے مارنے والوں کے خلاف کاروائی جاری رکھنے کااعلان کیا تھا۔
یمنی میڈیا کے مطابق اسرائیلی حملوں میں انصار اللہ کے وزیراعظم احمد غالب الرہوی سمیت کئی وزرا شہید ہوگئے ہیں جس کی انصاراللہ نےبھی تصدیق کر دی ہے۔
رپورٹ کے مطابق اسرائیلی حملوں کے وقت حکومتی کابینہ کا اجلاس ہو رہا تھا۔
یاد رہے کہ اسرائیلی فوج نے آج تازہ حملوں میں حوثیوں کے اہداف اور حوثی اکثریتی جماعت انصار اللہ کے متعدد رہنماؤں کو نشانہ بنانےکا دعویٰ کیاتھا۔
اسرائیلی فوج نے یمن پر 4 روز قبل بھی فضائی حملے کیے تھے جس کے نتیجے میں 10 افراد جاں بحق جبکہ 90 سے زائد زخمی ہوئے تھے۔
مزید پڑھیں۔پنجاب کے بپھرے دریاؤں میں سیلابی کیفیت برقرار، چناب کا ریلا جھنگ میں داخل، 180 دیہات ڈوب گئے
