بحیرۂ عرب میں ہائی الرٹ! مشکوک طیارے کی موجودگی پر امریکہ متحرک

بعد ازاں امریکی بحریہ کی جانب سے ہدایت دی گئی کہ طیارہ اپنا رخ پندرہ درجے شمال یا جنوب کی جانب موڑ لے کیونکہ وہ مبینہ طور پر امریکی طیارہ بردار بحری جہاز یو ایس ایس ابراہم لنکن کے فضائی راستے کے قریب پہنچ چکا تھا۔ اس بحری جہاز پر ہزاروں اہلکار اور متعدد جنگی طیارے موجود ہوتے ہیں۔

پائلٹ نے بتایا کہ صورتحال خاصی پیچیدہ تھی کیونکہ ایک جانب کھلا سمندر تھا جہاں ایندھن ختم ہونے کا خدشہ تھا، جبکہ دوسری طرف ایران اور پاکستان کی فضائی حدود واقع تھیں، جہاں داخلے کے لیے پیشگی اجازت درکار ہوتی ہے۔

کچھ دیر تک کشیدگی برقرار رہی اور دو امریکی لڑاکا طیارے مسلسل چھوٹے طیارے کے اطراف گشت کرتے رہے تاکہ کسی بھی ممکنہ خطرے سے نمٹا جا سکے۔

بعد ازاں دونوں جانب سے محفوظ راستے پر اتفاق ہونے کے بعد چھوٹے طیارے کو اپنی منزل کی جانب روانہ ہونے کی اجازت دے دی گئی، جبکہ تقریباً آدھے گھنٹے بعد امریکی لڑاکا طیارے واپس لوٹ گئے اور صورتحال معمول پر آ گئی۔