امریکہ سے تعلق رکھنے والی 20 سالہ Grace Jamieson نے کانٹیکٹ لینز کے استعمال سے متعلق اپنا خوفناک تجربہ شیئر کرتے ہوئے لوگوں کو سخت احتیاطی تدابیر اپنانے کی اپیل کی ہے۔
View this post on Instagram
انہوں نے بتایا کہ یہ واقعہ اس وقت پیش آیا جب وہ چھٹیوں کے دوران Dominican Republic میں تھیں اور نہاتے وقت انہوں نے غلطی سے لینز پہنے رکھے۔ بظاہر یہ معمولی بات محسوس ہوئی، لیکن بعد میں اس کے نتائج انتہائی سنگین ثابت ہوئے۔
View this post on Instagram
گریس کے مطابق پانی کے ذریعے ایک خطرناک جرثومہ ان کی آنکھ میں داخل ہو گیا، جو عموماً نلکے کے پانی، سوئمنگ پولز اور قدرتی پانی میں پایا جاتا ہے۔ ابتدا میں علامات واضح نہیں تھیں، تاہم چند ہفتوں بعد انہیں آنکھ میں شدید درد اور دھندلا پن محسوس ہونے لگا۔
View this post on Instagram
ابتدائی علاج میں غلط تشخیص کے باعث انہیں اسٹیرائیڈ ڈراپس دیے گئے، جس سے انفیکشن مزید بڑھ گیا۔ صورتحال اس حد تک بگڑ گئی کہ صرف ایک ہفتے میں ان کی بینائی شدید متاثر ہوئی اور وہ تقریباً دو ماہ تک جزوی طور پر اندھیرے میں رہیں۔
View this post on Instagram
بعد ازاں ڈاکٹروں نے تصدیق کی کہ شدید انفیکشن کے باعث آنکھ کے اندر سوزش اور مستقل داغ بن گئے ہیں، جس سے ان کی دائیں آنکھ کی بینائی مکمل طور پر ختم ہو گئی ہے۔ فی الحال وہ صرف دھندلا سفید منظر اور روشنی کا احساس ہی کر سکتی ہیں۔
View this post on Instagram
ڈاکٹروں کے مطابق مستقبل میں سرجری کے ذریعے جزوی بحالی کا امکان موجود ہے، تاہم فی الحال انہیں ایک آنکھ کے ساتھ زندگی گزارنے کی عادت ڈالنی پڑ رہی ہے۔
Grace Jamieson اس تجربے کے بعد سوشل میڈیا پر سرگرم ہیں اور کانٹیکٹ لینز استعمال کرنے والوں کو مسلسل احتیاط کی ہدایت دے رہی ہیں۔ ان کے مطابق یہ ایک معمولی لاپرواہی بھی مستقل بینائی کے نقصان کا سبب بن سکتی ہے۔
مزیدپڑھیں:خلیجی ممالک آبنائے ہرمز کی بندش پرتیل کی ترسیل کے لیے کون سے نئے راستے اپنا سکتے ہیں؟
انہوں نے صارفین کے لیے چند اہم ہدایات بھی جاری کی ہیں، جن میں شامل ہے کہ نہاتے یا تیراکی کرتے وقت لینز ہرگز استعمال نہ کیے جائیں، نلکے کے پانی سے لینز صاف نہ کیے جائیں بلکہ صرف مخصوص سلوشن استعمال کیا جائے، لینز کیس کا محلول روزانہ تبدیل کیا جائے، ہاتھ اچھی طرح دھو کر ہی لینز لگائے یا اتارے جائیں، اور سوتے وقت لینز ہرگز نہ پہنے جائیں۔
View this post on Instagram
ان کا کہنا ہے کہ یہ تجربہ ان کی زندگی کا سب سے تکلیف دہ واقعہ تھا، تاہم وہ اس بات پر شکر گزار ہیں کہ کچھ حد تک بینائی بحال ہو رہی ہے اور وہ دوسروں کو اس خطرے سے آگاہ کرنے کا مشن جاری رکھیں گی۔
