جیل انتظامیہ نے بانی پی ٹی آئی سے جیل سہولیات واپس لینے کی خبروں کی تردید کردی۔تفصیلات کے مطابق جیل سپرنٹنڈنٹ اڈیالہ جیل عبدالغفور نے کہا کہ بانی پی ٹی آئی کو جیل مینول کے مطابق تمام سہولیات دستیاب ہیں، انہیں 2مشقتی دی گئی ہیں جو دن کے اوقات میں دستیاب ہوتے ہیں، بانی پی ٹی آئی کی سیکیورٹی اور صحت کا خاص خیال رکھا جاتا ہے۔
جیل سپرنٹنڈنٹ کا کہنا تھا کہ بانی پی ٹی آئی کو انگریزی روز نامہ روزانہ فراہم کیا جاتا ہے، ورزش کے لئے ایکسرسائز مشین اور واک کے لئے جگہ بھی دستیاب ہے، بانی پی ٹی آئی اور بشریٰ بی بی کو کھانے کیلئے علیحدہ کچن فراہم کیا گیا ہے، بانی پی ٹی آئی کی سیکیورٹی کیلئے عملہ ہر وقت تعینات رہتا ہے، جیل میں اندر پڑھنے کیلئے ان کے پاس کتابیں بھی دستیاب ہیں، بانی پی ٹی آئی کے سیل میں گٹر کھلا ہونے کی خبروں میں کوئی صداقت نہیں ہے۔
سپرنٹنڈنٹ اڈیالہ جیل کا کہنا تھا کہ بشریٰ بی بی کے سیل چوہوں کی خبروں میں بھی کوئی صداقت نہیں، بشریٰ بی بی کے سیل میں فال سیلنگ لگی ہے، چوہوں کی موجودگی کی خبروں میں بھی کوئی صداقت نہیں۔جیل سپرنٹنڈنٹ عبدالغفور کا کہنا تھا کہ جیل مینول اور بطور ایک قیدی بانی پی ٹی آئی کا مکمل خیال رکھا جاتا ہے، بانی پی ٹی آئی کے کمرے میں ٹی وی کی سہولت بھی دستیاب ہے۔
عبدالغفور نے مزید بتایا کہ بطور سابق وزیراعظم جیل مینول کے تحت بانی پی ٹی آئی کو تمام سہولیات دستیاب ہیں، بانی پی ٹی آئی کو ہفتے میں دو دفعہ فیملی، وکلا اور سیاسی ملاقاتوں کی اجازت ہے، جیل میں سماعت کے موقع پر بھی بانی پی ٹی آئی ملاقاتیں کرتے ہیں۔
ڈیپ ڈپریشن کراچی سے 200 کلومیٹر دور، طاقتور طوفان میں تبدیل ہونے کا خدشہ
