ٹنڈو محمد خان( اوصاف نیوز)ٹنڈو محمد خان کے گاؤں الہٰ جڑیو سٹھیو میں زمین کے تنازع پر فائرنگ ہوئی ہے جس کے نتیجے میں 1 شخص جاں بحق اور 1 زخمی ہو گیا۔
پولیس کے مطابق قتل کا مقدمہ درج کر لیا گیا ہے جس میں تھانہ ٹنڈو محمد خان کے ایس ایچ او سمیت 2 افراد کو نامزد کیا گیا ہے۔
مدعیٔ مقدمہ کا کہنا ہے کہ ایس ایچ او زاہد چانڈیو اور دیگر افراد زمین پر قبضہ کرنا چاہتے تھے۔
مدعیٔ مقدمہ کے مطابق ملزمان کی فائرنگ سے 1 بھائی جاں بحق اور دوسرا زخمی ہوا ہے۔
ڈی آئی جی حیدرآباد کے مطابق واقعے کی انکوائری کے بعد ایس ایچ او کے خلاف کارروائی کی جائے گی۔
مزید پڑھیں:ٹی20 ایشیا کپ: بنگلادیش کو شکست دےکر پاکستان فائنل میں، اتوار کو بھارت سے ٹاکرا
