حسین وفائی نے ورلڈ سنوکر چیمپئن شپ(Snooker Championship) میں شاندار کارکردگی کا مظاہرہ کرتے ہوئے دنیا کے نمبر ون کھلاڑی جوڈ ٹرمپ کو سنسنی خیز مقابلے کے بعد شکست دے کر کوارٹر فائنل میں جگہ بنا لی۔
شیفیلڈ کے کروزبل تھیٹر میں کھیلے گئے اس اہم میچ میں حسین وفائی نے اعصاب پر قابو رکھتے ہوئے فیصلہ کن فریم میں 91 کا شاندار بریک کھیلا اور مقابلہ 13-12 سے اپنے نام کیا۔ یہ ان کے کیریئر کی ایک بڑی کامیابی ہے اور پہلی بار انہوں نے ایونٹ کے کوارٹر فائنل تک رسائی حاصل کی۔
Iranian snooker player Hossein Vafaei beat world number one Judd Trump in the last 16 of the World Snooker Championship and moved into the final eight.
Follow: https://t.co/mLGcUTS2ei pic.twitter.com/JQkcDvlTdF
— Press TV 🔻 (@PressTV) April 28, 2026
میچ کے دوران جوڈ ٹرمپ کو واضح برتری حاصل رہی اور وہ 10-7 اور 12-11 سے آگے تھے، تاہم وفائی نے زبردست کم بیک کرتے ہوئے اسکور برابر کیا اور آخری فریم میں موقع سے بھرپور فائدہ اٹھا لیا۔ ٹرمپ کی ایک غلط شاٹ نے میچ کا رخ بدل دیا، جس کے بعد وفائی نے جیت سمیٹ لی۔
میچ کے اختتام پر جوڈ ٹرمپ نے حسین وفائی کو مبارکباد دی جبکہ شائقین نے کھڑے ہو کر ان کی کارکردگی کو سراہا۔
بھارت: پٹرول کی قلت کے باعث کئی پمپس بند،لوگوں کو پریشانی کا سامنا
فتح کے بعد گفتگو کرتے ہوئے حسین وفائی نے کہا کہ گزشتہ چند ماہ ان کے لیے ذہنی طور پر نہایت مشکل رہے، اور انہوں نے کئی بار ٹورنامنٹس میں شرکت کے حوالے سے سوچ بچار کی۔ انہوں نے کہا کہ وہ اپنے ملک اور عوام کے لیے کھیل رہے ہیں اور چاہتے ہیں کہ سنوکر کے ذریعے لوگوں کو خوشی دے سکیں۔
ان کا کہنا تھا کہ وہ چاہتے ہیں دنیا ایرانی پرچم کو دیکھے اور یہ پیغام جائے کہ مشکلات کے باوجود ایران کے کھلاڑی عالمی سطح پر اپنی موجودگی کا بھرپور احساس دلا رہے ہیں۔
