اووری سنڈروم (پی سی او ایس) کو باضابطہ طور پر پولی اینڈوکرائن میٹابولک اوورین سنڈروم (پی ایم او ایس) کہا جائے گا۔
ماہرین کے مطابق یہ تبدیلی 14 سالہ عالمی تحقیق، طبی ماہرین، محققین اور مریضوں کی تنظیموں کی مشترکہ کوششوں کے بعد سامنے آئی ہے۔ نئی اصطلاح کا مقصد بیماری کی اصل نوعیت کو زیادہ واضح انداز میں بیان کرنا ہے۔
ماہرین کا کہنا ہے کہ پرانا نام گمراہ کن تھا کیونکہ بہت سی خواتین میں اوورین سسٹ موجود نہیں ہوتے تھے، جبکہ بیماری صرف بیضہ دانی تک محدود بھی نہیں تھی۔ یہی وجہ ہے کہ پی ایم او ایس نام تبدیلی کو خواتین کی صحت کے لیے ایک اہم پیش رفت قرار دیا جا رہا ہے۔
طبی ماہرین کے مطابق یہ بیماری ہارمونز میں خرابی، وزن بڑھنے، بانجھ پن، جلد کے مسائل اور ذہنی دباؤ سمیت کئی پیچیدگیوں کا باعث بن سکتی ہے۔ دنیا بھر میں تقریباً ہر آٹھ میں سے ایک خاتون اس بیماری سے متاثر ہوتی ہے۔
یونیورسٹی آف کولوراڈو کی ڈاکٹر میلانی کری نے کہا کہ نئے نام سے بیماری کو بہتر انداز میں سمجھنے اور خواتین کو بروقت علاج فراہم کرنے میں مدد ملے گی۔
اس مہم میں شامل آسٹریلوی سماجی کارکن لورنا بیری نے بھی اس تبدیلی کو خواتین کے بہتر مستقبل کے لیے اہم قرار دیا۔ انہوں نے کہا کہ خواتین بہتر صحت، واضح معلومات اور مساوی طبی سہولیات کی حق دار ہیں۔
عالمی طبی ادارے اب اگلے تین سال کے دوران نئی اصطلاح کو باضابطہ طور پر نافذ کریں گے جبکہ 2028 کی بین الاقوامی طبی ہدایات میں بھی اس نام کو شامل کیے جانے کا امکان ہے۔
