ٹی وی اینکر عائشہ جہانزیب نے شوہر سے صلح کرلی

لاہور (ویب ڈیسک) ٹی وی میزبان اور اداکارہ عائشہ جہانزیب نے مبینہ بدترین تشدد کے باوجود عدالت کے سامنے اپنے شوہر سے صلح کر لی۔

رواں ماہ 10 جولائی کو عائشہ جہانزیب کے تشدد کی ویڈیوز اور تصاویر وائرل ہوئی تھیں۔ اس نے میڈیا کو بتایا کہ اس کے شوہر نے ایک سال میں تیسری بار اسے تشدد کا نشانہ بنایا جب کہ اس کے شوہر نے خفیہ نکاح بھی کررکھاہے۔

بعد ازاں عائشہ جہانزیب کی درخواست پر پولیس نے ان کے شوہر حارث کو گرفتار کرلیا۔

پولیس نے گرفتاری کے بعد عائشہ جہانزیب کے شوہر کا جسمانی ریمانڈ بھی حاصل کیا اور بعد ازاں انہیں لاہور کی مقامی عدالت میں پیش کیا اور اسی کیس کی 19 جولائی کو سماعت ہوئی جس میں عائشہ جہانزیب بھی عدالت میں پیش ہوئیں۔

نجی ٹی وی سماء کے مطابق عائشہ جہانزیب نے عدالت کے سامنے بیان دیتے ہوئے کہا کہ ان کی اپنے شوہر سے صلح ہو گئی ہے اور انہوں نے عدالت کے سامنے رضاکارانہ طور پر اپنے شوہر کے ساتھ معاہدے کی تصدیق کی۔

اس نے عدالت میں کہا کہ جو کچھ اس کے ساتھ ہوا وہ کسی خاتون کے ساتھ نہیں ہونا چاہیے لیکن اس نے اپنے شوہر سے اس کی رضامندی سے صلح کر لی۔

عائشہ جہانزیب کے بیان کے بعد عدالت نے ان کے شوہر حارث کو ضمانت پر رہا کرتے ہوئے فیصلہ کیا کہ ان کی بریت کا معاملہ پولیس چالان کے مطابق ہوگا۔

عائشہ جہانزیب نے عدالت میں اپنے شوہر سے صلح کے اعلان کے بعد انسٹاگرام پر خود پر تشدد کی تصاویر شیئر کرتے ہوئے کہا کہ انہوں نے بہت دکھ اور تکلیفیں برداشت کیں۔
مزیدپڑھیں :عوام کی پسندیدہ موٹر سائیکل ہونڈا پرائیڈر کی قیمت کتنی ہوگئی؟