نئی دہلی (شوبز ڈیسک)ایشوریہ رائے اور ابھیشیک بچن کے درمیان طلاق کی افواہیں کافی عرصے سے گردش کر رہی ہیں۔ اداکارہ نے یکم نومبر کو اپنی 51ویں سالگرہ منائی لیکن اس خاص دن پر بھی ان کے سسرال والوں نے انہیں سوشل میڈیا پر مبارکباد نہیں دی۔ اکثر دل چھو لینے والی طویل پوسٹیں لکھنے والے امیتابھ بچن نے بھی اپنی بہو کو ان کی سالگرہ پر مبارکباد نہیں دی۔ ہر سال سالگرہ پر اپنی اہلیہ کی تصویر پوسٹ کرنے والے ابھیشیک بچن نے بھی اس سال ایشوریہ کے لیے کوئی پوسٹ شیئر نہیں کی۔ ایسے میں ایک بار پھر قیاس آرائیاں زور پکڑ رہی ہیں کہ شاید جوڑے کے درمیان سب کچھ ٹھیک ٹھاک نہیں ہے۔
ایشوریہ رائے اور ابھیشیک بچن کے درمیان ان دنوں چیزیں ٹھیک نہیں ہیں لیکن ایک وقت تھا جب دونوں ایک دوسرے کی سرعام تعریف کیا کرتے رہتے تھے۔ وہ ہر موقع پر ایک دوسرے کی تعریف کرتے نظر آتے تھے۔ ایسے میں ایشوریہ رائے کا ایک پرانا انٹرویو سامنے آیا ہے جس میں وہ یہ بتاتی نظر آرہی ہیں کہ وہ اپنے شوہر ابھیشیک بچن کے ساتھ اپنے تنازعات کو کیسے حل کرتی ہیں۔
شوہر ابھیشیک کی جم کر کی تھی تعریف
اداکارہ نے فلم فیئر کو دیے گئے ایک انٹرویو میں کہا تھا کہ بہت سی ایڈجسٹمنٹ کرنی پڑتی ہے۔ آپ کسی چیز پر راضی ہوں گے اور کسی چیز پر راضی نہیں ہوں گے۔ یہ وہ چیز ہے جس میں میں نے ہمیشہ یقین کیا ہے۔ ابھیشیک ان چیزوں کا بہت احترام کرتے ہیں۔ رشتے میں بات چیت بہت ضروری ہے۔
شوہر کرتے ہیں پورا تعاون
اداکارہ کا مزید کہنا تھا کہ ہر رشتہ دوستی سے شروع ہوتا ہے۔ میں ان میں سے نہیں ہوں جو کہے کہ آج کیلئے ختم کرو اور اب اس کو کل تک مت کھینچنا ۔ اگر کل دوبارہ اس مسئلے پر بات کرنے کی ضرورت پڑی تو ہم کل پھر اس پر بات کریں گے۔ اگر آپ اس مسئلے کو ختم کر سکتے ہیں، تو یہ بہت اچھی بات ہے ۔ ہم کسی بھی رشتے کو ایک ڈھانچے میں ڈھال نہیں سکتے ہیں۔
مزیدپڑھیں:شادی کے بارے میں سوچنا شروع کر دیا ، شوہر کیسا ہو؟ مہوش حیات نے بتا دیا
